兩張圖可以總結一下二月份所有期權交易，第一次接觸期權，計埋有兩張期權未計數大約$2800，大概收入$70000；
但係千祈唔好認為只係得好處，中間有曾經因為想賺期權金，所以買貨，分享吓今個月期權經驗！
1）快手就係呢個例子， $380和$400 接貨就係想賺期權金，結果接火棒，有買期權，的確係可以減低風險，但係唔好因為咁樣追貨；
2）Naked short call 無貨沽空不要做，long call 博炒下業績我試過2次都GG，要做睇下點配合策略；
3）小心short put，因為想賺少少權金，設定價格較近，點知上星期一個大跌，在31接左Palantir, 170接FUTU，如果唔係接左貨，我在$23左右非常想買Palantir, $155想買FUTU，哥兩日望住個價，但又無買，媽的！相信咁樣賺嘅錢會更多。所以，應該下次到差唔多價錢嗰陣，係咪應該要關咗先，定係開到另外一張新嘅，再考慮做法；
4）Short covered call 太近價，Zoom在$382時設定$395，本身唔想賣出zoom都被賣出，所以下次只想賺權金唔想賣，就雖然賺少d，設定遠少少；
5）今次收到咁高期權金，其實係因為手上嘅股票相對比較波動，喺某一段時間內佢嘅期權金突然之間高咗，我相信唔會每個月都有咁高；
6）我今次全部都係做價外call 或put，都係建基於唔想買 / 賣貨而設定，今個月可能試下價內；
呢幾日我買咗兩個香港作者關於期權嘅書，其中一本書我用咗兩日已經睇完，佢有講到一啲策略可以用作參考，例如價內期權買貨，價內賣貨等等，所有學到嘅技能，都必須要經過測試先知。今次期權的確係可以幫我對沖左部份下跌嘅風險，雖然唔多但係都有用！
跟住落嚟方向，並唔係要博賺幾多倍期權金，希望係穩穩定定每個月都能夠收到，就可以用嚟做一啲固定投資或供款等。