10月係咪股災，我屋企人係咁同我講10月會股災，你快啲賣晒你手上股票，我不知幾想同佢講，我啲股票係三月開始就股災唔使等10月。
重點係在於股票市場下跌嗰陣，你可以學到啲乜嘢，同埋有冇啲咩新做法，今年最有效嘅就係學用期權，教咗幾十萬學費實戰，終於開始有正數，但係最重點我認為呢一樣嘢可以無限期複製，只要我有投資就可以用。
所以我真心認為，靠炒賣股票去過生活基本上可能性比較低，因為必須要有現金流，有啲人收股息，有人透過期權製造現金流，咁樣的確係可以用來生活，亦都可以短暫忘記股價大幅度下跌。我兩樣都開始建立，由於我已用晒手上現金，亦開始用少少槓桿，買入少許「新鴻基」，「工商」同「303偉易達」，大約收萬幾蚊一年，打算慢慢開始加。
同埋我好肯定，如果唔係今次下跌，我唔會花咁多時間去研究期權收集現金流。
上圖係我現在手上既期權持倉，大部份都係10-11月，小量12月。未平倉大約32萬，現值21萬，帳面蝕緊11萬。
跟住落黎會先處理10月到期既所有call，亦會用手上持股開covered call增加cash flow, 小小分享一下，唔知咩事剛剛開short put Tesla，10張8號到期short put 可以收到4480 usd，34720 hkd。應該係聽日美國就會傾會否提高債務上限同Tesla 公佈交付量，所以波動較大。